Dita "E dua Software-in e Lirë" për 2016-n

Në shoqërinë e Software-it të Lirë ne shkëmbejmë jo pak kritika. Shkruajmë për të meta, u tregojmë të tjerëve se si mund të përmirësojnë software-in, u kërkojmë atyre veçori të reja, dhe përgjithësisht nuk druhemi të kritikojmë të tjerët. Dhe këtu s’ka asgjë të keqe. Kjo na ndihmon të përmirësohemi vazhdimisht. Por ndonjëherë harrojmë t’u shfaqim njerëzve që qëndrojnë pas software-it të lirë mirënjohjen tonë. S’duhet ta nënvleftësojmë fuqinë e një "faleminderit" të thjeshtë në motivimin e ndihmëtarëve të Software-it të Lirë gjatë punës së tyre me rëndësi për shoqërinë. 14 shkurti (që këtë vit bie e diel) është dita ideale për ta bërë këtë.

Shpalosni dashurinë tuaj për Software-in e Lirë

Mjaft njerëz janë të dashuruar me Software-in e Lirë, për arsye të ndryshme (galeri e plotë)

Software-i i Lirë është motori i një numri shumë të madh pajisjesh në jetën tonë të përditshme. Ai bën të mundur lirinë tonë, sigurinë tonë, të drejtat qytetare dhe privatësinë. Ai i lejon kujtdo të marrë pjesë në një shoqëri të drejtë. Por si edhe për atë për dikë tjetër, gjithkush ka arsye të ndryshme për ta dashur Software-in e Lirë. Le t’ia tregojmë botës këtë larmi!

Si dita tradicionale që dikush të shpalosë vlerësimin e tij për dikë, Dita e Shën Valentinit është mundësia e përsosur për t’u thënë faleminderit pjesëmarrësve në projekte të ndryshme Software-i të Lirë që doni: programuesve, përkthyesve, grafistëve, testuesve, ose dokumentuesve, të projekteve të mëdha ose të vockla. Të tërë ata punojnë brenda ekosistemit të Software-it të Lirë, frytet e të cilit mund t’i gëzojmë përditë.

Bëhuni pjesë e #ilovefs

S’ka rëndësi se cilët jeni dhe ku gjendeni apo me se merreni – në ditën "E dua Software-in e Lirë" mund të marrë pjesë kushdo, në mjaft rrugë të ndryshme:

  • Dërgoni ndonjë video apo foto të vetes apo të shokëve tuaj, një figurë meme, ose diçka krejtësisht të ndryshme – thelbi këtu është të qenët krijues! Dhe me çdo video dhe figurë, merrni vetvetiu pjesë në garën tonë #ilovefs. Thjesht etiketojeni punën tuaj me #ilovefs në ose GnuSocial, ose na i dërgoni përmes email-i, që të fitoni një kupon për te shitorja e FSFE-së1. Për ndoca frymëzim, shihni foto nga vitet e kaluara.
  • kartolina jonë me tekstin: I love Free Software - but I love you more

    #ilovefs postcard

  • Falënderojini në një rrugë individuale ata që parapëlqeni për punën e tyre. Për shembull, duke u dërguar një nga kartolinat tona.
  • Shpaloseni mirënjohjen tuaj publikisht, duke përdorur rrjetet shoqërore ose blogun tuaj që t’i tregoni botës se sa shumë njerëz e duan Software-in e Lirë – duke motivuar kështu të tjerët të bëjnë të njëjtën gjë. Thjesht përdorni etiketën hash #ilovefs te GnuSocial, Twitter, ose platforma të tjera.
  • S’gjetët ç’po kërkonit? S’ka problem, bëni diçka tjetër! Bëni çokollata të vockla, skiconi material të ri promocional... Shihni se si ta bëni #ilovefs edhe më të veçantë me ndihmesën tuaj.

Nëse gjithkush ndihmon me diçka të vogël, mund të shijojmë një ditë të bukur "E dua Software-in e Lirë" së bashku. Le të shkëmbejmë video dhe foto, dërgojmë kartolina, cicërima dhe postime blogjesh, dhe ta shpalosim individualisht dashurinë tonë. Gëzuar ditën "E dua Software-in e Lirë" për këdo!

Lajme të afërta

Annual report of the Free Software Foundation Europe 2018

05 November 2018

"Software freedom in Europe" is the yearly report of the Free Software Foundation Europe (FSFE). In one document, it gives you a breakdown of important things the FSFE has done and achieved during the last 12 months. In the 2018 report, you will read about our electoral campaigns, our input on the European Union's copyright reform, and about our successful outreach in demanding publicly financed software be made publicly available under a Free Software licence. You will also get insights about the events we (co-)organised and about our community and groups that helped us with these achievements. Finally, we will display some numbers showing what resources we counted on, and giving an outlook for the next year.

#ilovefs Report 2018

08 March 2018

On Wednesday 14th of February, our community celebrated the annual "I love Free Software Day". A day to declare love to the communities most important to you as well as saying "Thank You" to the Free Software projects surrounding us every single day. The Free Software Foundation Europe also wants to thank everyone who cheered and contributed to make this day as special as it could be.

Merrni pjesë në ditën I Love Free Software Day 2018

12 February 2018

Free Software Foundation Europe fton këdo të shprehë falënderim për krejt kontribuesit te Software i Lirë më 14 shkurt. Vitin e kaluar I Love Free Software Day i qe kushtuar aktivizmit jashtë internetit për t’i treguar njerëzve jashtë flluskës tonë të filtrimit rreth rëndësisë së Software-it të Lirë. Këtë të mërkurë, do t’u kthehemi rrënjëve tona dhe përqendrohemi mbi faktin për të cilin u shpik së pari kjo ditë: të kremtojmë bashkësinë e Software-it të Lirë.

#ilovefs Report 2017: Love and Activism

15 March 2017

On Tuesday 14th of February, the "I Love Free Software" day was celebrated for its eighth consecutive year, in what can now be called a tradition. This day has become a special day for people all around the world to declare their love and affection not only to their partner but also to the whole Free Software community.

Berlini dërgon një mesazh për ditën "E dua Software-in e Lirë"

14 February 2017

Në kremtimin e ditës "E dua Software-in e Lirë", më 14 shkurt, fundjavën në fjalë, ndërtesa Berlin Reichtag u ndriçua me mesazhin "Jepini Një Shans Software-it të Lirë". Në shumë ndërtesa dhe vende simbolike në Berlin u projektuan mesazhe të tjera. Në Murin e Berlinit mund të lexohej "Ndërtoni Software të Lirë - Jo Mure", kurse Ministria Federale e Financave u zbukurua me sloganin "Para Publike, Kod Publik". Kështu tërheqin vëmendjen veprimtarët drejt rëndësisë së një vlerësimi më të madh të Software-it të Lirë.

Shënime për garën: Ruajmë të drejtën të zgjedhim disa fitues. Fituesi(t) përfitojnë një kupon 25€ për në Shitoren e FSFE-së. Në garën për video dhe figura mund të marrë pjesë gjithkush. Gara fillon më 8 janar 2016 dhe përfundon në fund të 14 shkurtit 2016. Fituesi(t) do të përzgjidhet nga një juri e brendshme e FSFE-së. Me fituesin(t) do të lidhemi duke përdorur të njëjtën rrugë me të cilën na dërguan videon ose figurën. Punët e fituesve do të botohen në Internet nga FSFE-ja, por nuk do të ndajmë kurrë me dikë emrin tuaj të plotë, apo hollësi të tjera private, nëse kështu doni ju.