Since 2001 the FSFE has been enhancing users' rights by abolishing barriers for software freedom. For 20 years we have been helping individuals and organisations to understand how Free Software contributes to freedom, transparency, and self-determination.

For the next two decades we need your help. We want everyone to be able to control their technology. Free Software and its freedoms to use, study, share, and improve are the key to that goal.

News

Teksa Microsoft-i heq dorë nga disa kufizime te Xbox-i, edhe më tepër të tilla zbatohen mbi produkte të tjera

më:

I përballur me protesta të përdoruesve, Microsoft-i është detyruar t’i bëjë kushtet e shitjes për konsolën e vet më të re për lojëra Xbox të duken më pak kufizuese. Megjithatë, kushtet “e reja” që shkaktuan një zemërim të tillë, nuk qenë të reja aspak: ato qenë të ngjashme me shumicën e licencave të tjera produktesh software-i pronësor, përfshi ato që përfshijnë produkte të tjera software-i dhe shërbime në linjë nga Microsoft-i.

Kufizimet mbi shitjen, ndarjen me të tjerët dhe dhënien si dhuratë shfaqen, për shembull, te licencat e Windows 7-s dhe Office 2013-s. Kufizime të ngjashme do të vazhdojnë të zbatohen mbi Xbox-in sa kohë që një nga "titujt e shkarkuar nuk mund të ndahet me të tjerët ose të rishitet". Kufizime gjeografike mund të zbatohen edhe mbi Office 2013, bashkë me heqjen dorë nga e drejta për padi në grup. Dashamirësit e lojërave që u zemëruan nga check-in-i i detyrueshëm, i papërshtatshëm dhe mosrespektues, si dhe nga ndjesori i zërit/lëvizjeve Kinect, mund të zemërohen po njësoj nga klauzola që kërkon “duhet të pajtoheni me çfarëdo kufizimi teknik te software-i, i cili ju lejon ta përdorni vetëm në disa mënyra. Nuk mundeni të anashkaloni çfarëdo kufizimi teknik të software-it” sipas licencës për Windows 7.

“Edhe pas sprapsjes të disa prej termave më famëkeqe të Xbox One-it, Microsoft-i ende i ka përdoruesit nën pranga dixhitale,” thotë Karsten Gerloff, presidenti i FSFE-së. “Ne e nxisim cilindo të zgjedhë Software-in e Lirë më mirë, dhe t’i heqë qafe këto kufizime.”

“Ndërkohë që licencat pronësore e kufizojnë lirinë tuaj, Software-i i Lirë garanton që mund ta përdorni gjithmonë software-in për çfarëdo qëllimi, për ta studiuar si funksionon, për ta ndarë me të tjerët, dhe për ta ndryshuar në përputhje me nevojat tuaja” thotë Matthias Kirschner, përgjegjës për Ndërgjegjësimin e Publikut në FSFE. “Përdoruesve nuk duhet të lypin për këto të drejta.”

Është ende e paqartë se çfarë pikërisht do të përmbajë apo s’do të përmbajë licenca e plotë, për shembull, është hequr përmendja e Heqjes Dorë Nga e Drejta Për Padi Në Grup, por nuk është deklaruar braktisja e saj.