Letër e Hapur presidentit të Parlamentit Europian mbi transparencën
Free Software Foundation Europe dhe Open Rights Group i kanë dërguar një an letër të hapur [pdf] presidentit të Parlamentit Europian, Martin Schulz. Zotit Schulz i është kërkuar së fundi [pdf] të kryejë një studim mbi transparencën brenda Parlamentit.
Në letrën e tyre, grupet e shoqërisë civile i ofrojnë Z. Schulz ndihmën e tyre në këtë përpjekje. Ata gjithashtu sugjerojnë një numër pyetjesh që do të duheshin mbajtur parasysh në raportin mbi transparencën, të tilla si
- Meqë Parlamenti mbahet si një standard i "transparencës më të lartë", do të duhej detyruar të bënte publik kodin burim të software-it që përdor?
- Si i përdor Parlamenti Software-in e Lirë dhe Standardet e Hapura për të siguruar që qytetarët të kenë akses të plotë dhe të papenguar në krejt dokumentet e prodhuara nga Parlamenti?
- Çfarë mund të bëjë Parlamenti për t’i bërë videot e seancave të veta të passhme nga qytetarët pa u dashur që këta të instalojnë software jo të lirë?
- Domosdoshmëria për "transparencën më të lartë" mbulon gjithashtu edhe software-in e Parlamentit për prokurimet?
"E vlerësojmë përkushtimin e Parlamentit ndaj transparencës," thotë Karsten Gerloff, president i FSFE-së. "Për demokracinë në Europë është thelbësore që qytetarët të kenë aksesin më të plotë të mundshëm në punët e parlamentit, dhe në mjetet që Parlamenti përdor për të bërë ligjet që na qeverisin tërë ne."
Open Rights Group dhe FSFE-ja shpreson të ndihmojë Parlamentin Europian në përgatitjen e studimit mbi transparencën.