Për Shtypin

Gëzuar Ditëlindjen April!

më:

April, shoqata pararojë në Francë në mbrojtje të Software-it të Lirë, u themeluar 18 vjet më parë.
April lindi më dhjetor të 1996-s nga studentë të një universiteti në Paris, si një shoqatë jofitimprurëse për nxitjen dhe përhapjen e Software-it të Lirë në veprimtaritë kërkimore në informatikë.

“Nga FSFE-ja, i urojmë April-it një ditëlindje të lumtur, dhe përgëzojmë këdo që punon me ta për arritjet e shumta të shoqatës,” thotë presidenti i FSFE-së, Karsten Gerloff. “Këmbëngulja e April-it, përvoja dhe profesionalizmi i tyre e bën shoqatën e tyre të ndritur dhe të rëndësishme në botën e Software-it të Lirë.”

Në pranverën e 2014-s, vullnetarë të FSFE-së në krejt Europën kontribuan në fushatën e April-it Pakt mbi Software-in e Lirë, duke furnizuar për platformën përkthime në disa gjuhë dhe duke bindur mjaft nga kandidatët në zgjedhjet e Parlamentit Europian të nënshkruajnë paktin.

“Përkushtimi i April-it për përhapjen e idealeve të Software-it të Lirë në publikun e përgjithshëm, dhe shtimi i ndërgjegjësimit mbi përfitimet afatgjata për shoqërinë, janë një shenjë shprese, dhe na motivojnë krejt ne për të vazhduar punën tonë për një shoqëri të lirë,” shprehet Hugo Roy, bashkërenduesi i FSFE-së për Francën (dhe anëtar i April-it gjithashtu).