FSFE-ja fton për propozime për Çmimin mbi Lirinë e Dokumenteve
Këtë vit, për herë të katërt, the Free Software Foundation Europe (FSFE) do të japë më 28 mars 2012 Çmimin mbi Lirinë e Dokumenteve. Me Çmimin mbi Lirinë e Dokumenteve, FSFE-ja dhe FFII dëshirojnë të nderojnë institute ose ndërmarrje që kanë dhënë një kontribut të jashtëzakonshëm në përhapjen dhe përdorimin e Standardeve të Hapura. Çmimin mbi Lirinë e Dokumenteve jepet çdo vit gjatë Ditës së Lirisë së Dokumenteve, dita ndërkombëtare që kremton rëndësinë e Standardeve të Hapura
Fitues të mëparshëm të Çmimit mbi Lirinë e Dokumenteve kanë qenë më 2008 Auswärtige Amt (Zyra Federale e Punëve të Jashtme Gjermane) për riorganizimin e saj dhe përdorimin e Formatit të Hapur të Dokumenteve (ODF), më 2010 Deutschlandradio për ofrimin e Ogg-Vorbis-Streams dhe më 2011 faqja web Tagesschau për ofrimin e videove të veta në Formatin OGG Theora.
Këtë vit FSFE-ja ofron mundësinë që cilido të propozojë kandidatin e vet për Çmimin mbi Lirinë e Dokumenteve. Nëse dini një institucion ose ndërmarrje që dallohet për përdorimin dhe sendërtimin e Standardeve të Hapura, ju lutemi, na dërgoni një email - përfshi arsyet e propozimit tuaj - e shumta deri më 1 shkurt te germany@lists.fsfe.org.