Një gjykatë portugeze eliminon një prokurim të paligjshëm që favorizonte Microsoft-in
Më 27 prill, gjykata administrative e Almadas, Portugali, shpalli të paligjshme një kontratë prej 550 mijë eurosh mes Microsoft-it dhe bashkisë së Almadas. Kërkesat teknike të konkurrimit të shpallur nga bashkia ia bënin të pamundur cilësdo kompani tjetër veç Microsoft-it dhe partnerëve të tyre parashtrimin e një propozimi.
Ky vendim gjykate është veçanërisht domethënës ngaqë sqaron se një procedurë prokurimi e përdorur gjerësisht është e paligjshme. Procedura specifikonte emrin e produkteve Microsoft, në vend se domosdoshmëritë e përgjithshme funksionale dhe teknike.
Praktikat e anshme të tenderimit në Portugali janë denoncuar në mënyrë të përsëritur nga organizmi bashkëpunëtor i FSFE-së, ANSOL dhe nga Shoqata e Biznesve Portugeze të Burimit të Hapur, ESOP, që e çoi çështjen në gjyq. Këto praktika dhunojnë rregulluat themelore të konkurrencës së paanshme dhe përjashtojnë sistematikisht kompani që ofrojnë shërbime të bazuara në Software-in e Lirë.
FSFE-ja e përshëndet vendimin e gjykatës, dhe u bën thirrje gjykatave të vendeve të tjera europiane të vazhdojnë të shfuqizojnë sistematikisht kontrata të ngjashme diskriminuese.
Më tepër informacion
- Vendimi i gjykatës (në portugalisht)
- Njoftimi për shtypin nga ESOP-i lidhur me vendimin
- Open Forum Europe: Praktikat diskriminuese vazhdojnë të molepsin prokurimet publike IT nëpër Europë
- Kontributi i FSFE-së në konsultën e Komisionit Europian për modernizimin e rregullave të prokurimit publik në Bashkimin Europian
- Puna e FSFE-së për përmirësimin e prokurimit publik në Finlandë