Opinioni i FSFE-së mbi standardet TIK lidhur me Tregun e Përbashkët Dixhial
FSFE-ja i paraqiti Komisionit Europian opinionin e saj mbi caktimin e përparësive në standardet TIK dhe u përgjigj në konsultën publike mbi adoptimin e një Plani Përparësish për Standarde TIK të propozuar në strategjinë për një Treg të Përbashkët Dixhital (TPB).
Në përputhje me pozicionin tonë, dhe në të njëjtën vijë me vlerësimin tonë të strategjisë së TPB-së, përparësitë në standardizim duhen caktuar me kujdes. FSFE-ja beson se në shkallë BE-je duhen caktuar përparësitë vijuese:
Promovim standardesh që janë të hapët, me natyrë minimale dhe të sendërtueshëm me Software të Lirë. Është provuar se standarde të tilla janë të qëndrueshme, ofrojnë ndërveprueshmëri, janë pro konkurrencës dhe transparente. Këto standarde u lejojnë aktorëve të peshave të ndryshme t’i adoptojnë dhe sendërtojnë ato lehtësisht, çka nga ana e saj do të garantojë në treg konkurrencën më të gjerë të mundshme në të mira dhe shërbime, dhe përhapjen më të madhe të mundshme të teknologjisë.
Përdorim të Software-it të Lirë si referencë sendërtimesh të standardit dhe garanci që një referencë sendërtimesh të botohet nën një licencë Software-i të Lirë, përfshi hedhjen në qarkullim si Software i Lirë të krejt software-it të zhvilluar me fonde publike. Si pasojë, kjo praktikë do të japë ndihmesë në dixhitalizimin e industrive europiane dhe në shtimin e aftësive dixhitale mes popullatës.
Ndjetje larg politikave të dëmshme FRAND të licencimit në fushën e software-it, internetit dhe web-it, ngaqë këto fusha janë zhvilluar dhe kanë evoluar duke u bazuar në standarde të hapëta të paprekura nga të ardhura prej të drejtash kopjimi apo kufizime të tjera.