FSFE-ja po kërkon një stazhier për Ditën e Lirisë së Dokumenteve
Çdo vit, FSFE-ja organizon "Ditën e Lirisë së Dokumenteve", një fushatë mbarëbotërore për të nxjerrë në pah rëndësinë e Standardeve të Hapura për lirinë e komunikimeve, ndërveprueshmërinë dhe pavarësinë nga bllokimet që bëjnë tregtuesit. Për këtë fushatë, zyra e FSFE-së për Berlinin po kërkon një stazhier PR-i / Fushatash me kohë të plotë nga 1 janari deri më 31 mars.
Puna juaj do të jetë:
- mirëmbajtja e faqes web të fushatës, www.documentfreedom.org
- kontakti i drejtpërdrejtë dhe mbështetja e bashkësive vendore kudo në botë
- përkujdesja për seksionin tonë të promocionit
- shkrim tekstesh PR-i për media të ndryshme (shoqërore)
- përkthimet
dhe për këto mund të na bindni me këto rrugë:
- ju pëlqen të përkrahni Software-in e Lirë dhe Standardet e Hapura
- jeni, e pakta, në semestrin e tretë të studimeve në një fushë që ka lidhje me temën OSE sillni me vete përvojë të ngjashme prej një fushe tjetër
- flisni rrjedhshëm Anglisht (nëse flisni Spanjisht ose Frëngjisht, do të ishte një plus)
- punoni pa problem brenda një ekipi dhe jeni i prirur të ndihmoni vullnetarë të tjerë
- ju pëlqen të punoni me sisteme TI të Lirë
Çfarë mund të prisni prej nesh:
- një mjedis ndërkombëtar pune në një zyrë në zemër të Berlinit
- një ekip të ri dhe të përkushtuar
- hapësirë për ide dhe zgjidhje me frymë krijuese
- orare të zhdërvjellëta
Ju lutemi, dërgojeni kërkesën tuaj vetëm në rrugë dixhitale, te eal@fsfe.org (PDF). Shifrimi i tij është i mirëpritur. Kyçin publik e gjeni te shërbyesi i kyçeve (8639DC81)
Paguajmë 450 Euro/në muaj dhe përfitoni edhe mirënjohjen e vullnetarëve nga e gjithë bota (e paçmueshme).
Kërkesat pranohen deri më 7 nëntor, 2014.