Eurodeputetët votojnë për më tepër Software të Lirë në sektorin publik
Më 19 janar, Parlamenti Europian pranoi raportin "Drejt një Tregu të Përbashkët Dixhital", nismë e vetë përlamentit si përgjigje e strategjisë për një Treg të Përbashkët Dixhital të ndërmarrë nga Konisioni Europian. FSFE-ja është e kënaqur të shohë që parlamenti mbajti një qëndrim pohues dhe më të vendosur drejt shtimit të përdorimit të Software-it të Lirë dhe rëndësisë së tij për një treg të përbashkët dixhital.
Në veçanti:
Paragrafi 89 pohon se ofruesit e software-it do të duhej të promovonin më mirë përparësitë e software-it me burim të hapur kur vjen puna te siguria.
Paragrafi 110 i kërkon Komisionit dhe Këshillit Europian të shtojë përqindjen e software-it të lirë dhe me burim të hapur dhe ripërdorimin e tij në administratat publike si një zgjidhje që rrit ndërveprueshmërinë.
Paragrafi 125 bën thirrje për shtim të përdorimit të software-it të lirë dhe me burim të hapur, veçanërisht në institucionet arsimore dhe administratat publike.
Për sa u përket anëve jo aq pozitive, raporti thekson se aftësia për të licencuar patenta standarde thelbësore nën kushte licencimi FRAND mbrun risi dhe ruan kërkimin, zhvillimin dhe standardizimin e shtysave ekonomike, me gjithë faktin e dëshmuar qartë se praktikat e licencimit FRAND janë të dëmshme për Software-in e Lirë.
Megjithëkëtë, FSFE-ja e mirëpret pranimin e raportit dhe i bën thirrje Komisionit që të ndjekë rekomandimet e Parlamentit për shtimin e përqindjes së përdorimit dhe të ripërdorimit të Software-it të Lirë, kur ndjek nisma të lidhura me Tregun e Përbashkët Dixhital.