Que é o Software Libre
Os principios do Software Libre son simples, mais é importante non confundirse coa complexidade causada pola súa longa historia. Aprende sobre as catro liberdades e o seu significado, os fundamentos das Licenzas de código libre, as extensas vantaxes que o software libre outorga e, os sinónimos máis comúns. Se botamos unha ollada mais aló da esfera do código, podes ler sobre a interrelación do Software Libre con Outros ámbitos Coma a educación, licitación e democracia.
As catro liberdades
A liberdade do Software Libre garante ós usuarios os catro dereitos esenciais. A ausencia de tan só un destes dereitos converte a aplicación en propietaria, en código non libre.
Usar
Estudar
Compartir
Mellorar
Usar
O Software Libre pode ser usado para calquera fin e está libre de calquera restrición coma a caducidade da licenza ou restricións de ámbito xeográfico.
Estudar
Tanto o Software Libre coma o seu código poden ser estudados e analizados por calquera, sen acordos de confidencialidade ou restricións similares.
Compartir
O Software Libre pode ser compartido e copiado de balde.
Mellorar
O Software Libre pode ser modificado por calquera e, esas melloras poden ser compartidas publicamente.
Licenzas
As catro liberdades son outorgadas por unha licenza de software. As licenzas establecen as condicións baixo as que un programa pode ser usado e reusado. Para que sexa software, o texto da licenza debe conter polo menos as catro liberdades. A Free Software Foundation e a Open Source Initiative manteñen listas de licenzas revisadas e aprobadas. Un programa xeralmente non pode ser considerado Software Libre se a súa licenza non aparece nunha desas listas.
Hai un gran número de licenzas con diferentes enfoques, e un produto dixital enteiro ou partes del poden estar baixo diferentes enfoques, e un produto dixital ou seccións del poden estar licenciados baixo diferentes licenzas. A escolla de licenzas é unha cuestión estratéxica, mais animámoste a escoller algunha das máis usadas. Para máis información sobre información legal e sobre licenzas, podes Ler máis...
Vantaxes
O Software libre é liberdade. Na práctica, isto outorga numerosas vantaxes ós usuarios, organizacións, empresas e gobernos.
Autonomía
O Software libre axúdate a desenvolver e manter software deseñado para cumprir as túas necesidades, non só o modelo de negocio do fabricante.
Colaboración
O Software libre pode ser compartido e usado de forma non exclusiva por todo o mundo -- facendo un servizo público.
Compartir E Copiar
Unha licenza libre permite instalacións infinitas, sen pagar un só céntimo adicional.
Sen bloqueos
O Software Libre reforza a independenza dos fabricantes e outorga máis capacidade de decisión sobre os provedores de servizo.
Reutilizar código
O Software libre permite a liberdade de reutilizar o código para outros proxectos.
Innovación
As licenzas libres che animan a innovar co teu software.
Competencia
O software libre resiste os monopolios e promove a competitividade.
Seguridade
O software libre permite auditorias independentes que permiten cerrar buratos de seguridade máis rápido.
Sinónimos
Durante o transcurso do tempo, a xente foi creando diferentes etiquetas para o código libre. A miúdo, a motivación para eses termos é destacar diferentes aspectos para evitar confusións.
O Software Libre era definido primeiro coas catro liberdades mencionadas enriba polo proxecto de GNU en 1986. En 1998, "Código aberto" foi montado como campaña de mercadotecnia para Software Libre mais coas mesmas liberdades en mente. Outras etiquetas amplamente coñecidas para Software Libre (Free Software) son "Libre Software", iniciado para evitar a ambigüidade da palabra inglesa "libre", e "FOSS" ou "FLOSS" como abbreviations para "Libre(Free) (Libre) Software de Código Aberto(Open Source)".
O nivel de liberdade que ofrece un programa sempre é determinado pola licenza, non a súa etiqueta. Dito doutra forma, que non che confundan diferentes termos para as mesmas funcionalidades. Se estás interesado no contexto histórico de porque preferimos o termo orixinal, podes ler Máis información...
Hai tamén termos que son xeralmente mal usados como sinónimos para describir o Software Libre. “O dominio público” é un de tales termos, e é importante manter unha distinción entre Software Libre e dominio público. Dito de forma sinxela, o dominio público consiste de todo traballo creativo (incluíndo software) ao cal non se aplica ningún copyright. Os dereitos a estes traballos poden caducar, ter sido desistidos expresamente, ou poden ser inaplicábeis. Aínda que estes son os principios moi xerais do dominio público, o factor decisivo para determinar que constitúe o dominio público sempre estará determinado polos principios legais no país no cal un traballo vai ser utilizado.
Mentres que o software en dominio público pode solaparse cos obxectivos do Software libre, como norma xeral, o Software libre non é sinónimo de dominio público. De feito, gran parte do Software libre está suxeito ás regras do copyright. Especialmente na Unión Europea, os sistemas de copyright e patentes fan dificil identificar unha obra no dominio público con certeza. É por iso que se queres compartir algun traballo teu, é preferíbel facelo baixo unha licenza libre en lugar de declaralo dominio público, posto que a licenza libre permite proveer información legal clara e comprensíbel sobre os dereitos e obrigas implicados no uso de ese software.
Mais información
As numerosas vantaxes do Software Libre son un beneficio en sí mesmas, mais tamén contribuen positivamente a outros ámbitos técnicos e non técnicos. Dende a fundación da FSFE en 2001, estivemos explorando diferentes áreas e como o Software Libre pode marcar a diferenza.
- Democracia: A tecnoloxía influencia en gran forma a sociedade hoxe en día. É por iso que o control da tecnoloxía ten que estar nas mans do pobo, non só dun pequeno grupo de persoas.
- Estándares abertos: Os estándares abertos permiten á xente compartir todo tipo de información libremente e con fidelidade. Estes resisten o pechamento e outros tipos de devesas artificais á interoperabilidade, e promoven a elección entre fabricantes e solucións tecnolóxicas.
- Educación: O software libre é pedagóxicamente superior; o seu espírito de liberdade e cooperación é o espírito da educación nunha contorna democrática.
- Contratación pública: O software libre é ideal para o sector público. Trátase dun recurso público que as administracións poden utilizar, estudar, mellorar e compartir entre si. Para a cidadanía, isto supón transparencia, eficiencia de custos e a liberdade de interactuar coa administración do xeito que mellor lles conveña.
- Cooperación no desenvolvemento internacional: relacionado coa Sustanibilidade da mellora da economía global e as condicións sociais, ecolóxicas e políticas. O Software Libre estase a converter nunha tecnoloxía fundamental que garante unha cooperación internacional que cumpra o dereito internacional e reuse - unha tecnoloxía que permite o escalado global con adaptabilidade global simultánea.
- Intelixencia Artificial: A IA vén de facer enormes avances nos últimos anos e non parece que esta tendenza vaia a menos, senón o contrario. Mentres que as aplicacións con IA benefician as vidas de moitos, tamén reducen a nosa capacidade de controlar a tecnoloxía e poñen liberdades críticas en risco. Exploramos como desenvolver aplicacións con IA baixo licenzas libres abre o camiño para máis accessibilidade, transparencia e equidade.
- Acabar coas patentes de software: é unha medida coa que podemos conseguir un mundo no que os usuarios do software poden participar no desenvolvemento e distribución do software. As patentes engaden riscos legais e financeiros ó desenvolvemento de software e á súa distribución dándolles òs donos das patentes poder legal para prohibir ós desenvolvedores de software de usar ideas patentadas. O resultado é que as patentes de software son ultimamente nocivas para a innovación, economía e a sociedade.
- Sostenibilidade: Todo o mundo pode usar Software Libre sen as limitacións do pasado, de hoxe ou do futuro. Como demostramos no noso curto estudo, co Software Libre podemos manter programas e prever a obsolescencia dos mesmos. Podemos reparar e reutilizar o hardware, extendendo a súa vida útil e aforrando recursos naturais.