Buletini i FSFE-së - nëntor 2013

Platformat e mira të eksperimentimit

Në pamje të parë disa pajisje mund të duken kot. Pse do të duhej t’i blinte dikush? Disa persona u tallën me redaktorin tuaj kur ai bleu Open Moko Neo Freerunner e vet. Mund të blinit pajisje më të lira me CPU më të shpejtë, më tepër RAM, më tepër hapësirë disku, me mbështjellëse më të hijshme, me lidhje në rrjet më të mirë, mikrofon dhe kufje më të mira për kohën.

Por pajisjet si OpenMoko janë të rëndësishme për secilin prej nesh, edhe pse nuk i blejmë vetë. Janë të një rëndësie kyçe sepse janë platforma hardware eksperimentale që i ndihmojnë programuesit të mësojmë si funksionojnë saktësisht kompjuterët -- çfarë kryen vërtet kodi -- dhe prandaj i bëjnë ata të aftë shkruajnë software më të mirë për krejt ne.

Paul Boddie shkrojti për një prej këtyre pajisjeve: Ben NanoNote. Kjo pajisje mbulohet plotësisht nga përudhësa Free Software brenda shpërndarjes upstream të kernelit të Linux-it. Nuk mbështetet në ndonjë software pronësor, përfshi copëza firmware-i, për instalimin dhe xhirimin e pajisjes. "Ben"-i nxit eksperimentimet: mund të zëvendësoni nisjengarkuesin dhe sistemin operativ me ata tuajit, dhe mund të instaloni programet që dëshironi.

Kufizimet e liga

Dija që ne si bashkësi përfitojmë prej këtyre pajisjeve na ndihmon të kundërpeshojmë prodhuesit IT që përdorin mjaft kufizime të ndryshme përmes teknologjish të ndryshme për të na hequr kontrollin. Në disa pajisje prodhuesit vendosin çfarë software-i mund të instalojmë ose heqim prej kompjuterave tanë, nuk duan që të mësojmë se si funksionon software-i, dhe nuk duan që ta ndryshojmë software-in. Vendosin ata se si mund t’i shohim DVD-të, cilët ofrues kartash SIM mund të përdorim në kompjuterët tanë, dhe dëshirojnë të jenë në gjendje të fshijnë së largëti të dhëna tonat, përfshi libra, muzikë ose filma.

Pyetja është: i lejojmë ta bëjnë? I pranojmë këto kufizime? Dhe nëse jo, ç’tjetër na duhet që të kundërpeshojmë këto zhvillime?

Mbledhjet e bukura vendore

Në FSFE besojmë se një pjesë kyçe e kësaj sfide janë mbledhjet vendore. Na duhet të lidhin personat që u kundërvihen këtyre kufizimeve dhe të ndihmojmë njeri-tjetrin në shpjegimin e këtyre temave për persona të tjerë. Si u përmend te buletini i fundit mbajtëm takimin e parë për bashkërenduesit e grupeve vendore të Fellowship-it të FSFE-së. Pas tij, grupi filloi të përmbledhë këshilla për organizatorë mbledhjesh vendore të FSFE-së, dhe Lucile Falgueyrac përmblodhi praktikat e mira për moderim takimesh.

Përveç mbledhjes së bashkërenduesve, FSFE-ja mbajti asamblenë e përgjithshme vjetore në Vienë. Jonas Öberg pasqyroi se si punuam për misionin tonë dhe Hugo Roy shkroi rreth ditës së dytë të formaliteteve, përfshi rizgjedhjen e Karsten Gerloff-it si president dhe të Reinhard Müller-it si përgjegjës financash. Pas 2 vitesh të mbarë Henrik Sandklef la postin e zëvendëspresidentit, dhe redaktori juaj u zgjodh për të marrë përsipër atë vend.

Diçka krej tjetër

Grupi ynë i Vjenës afroi Free Software-in me më shumë publik. Ata organizuan një stendë informacioni gjatë Game City Fair 2013, duke prodhuar kështu plot pyetje kutisë Steam të Valve-es. Nëse doni të dini më shumë rreth saj, lexoni artikullin e LWN-së "Why Steam on Linux matters for non-gamers".
Guido Arnold shpjegon një koncept të ri për mbledhje vendore në zonën Rhine/Main, dhe kemi një grup të ri vendor FSFE-je në Linc (Austri) i cili botoi raportin e vet të dytë (në Gjermanisht). Pra, nëse ju interesojnë çështjet politike, shoqërore, ekonomike ose ligjore rreth Software-it të Lirë, merrni pjesë te grupet dhe provoni këshillat e dhëna më sipër.
Shoqata jonë motër, FSF, organizoi një kremtim mbarëbotëror për 30 vjetorin e sistemit GNU, dhe ju kërkon të propozoni individë dhe projekte për Çmimet e 16-a Vjetore të Software-it të Lirë deri më 6 nëntor 2013.
Si zakonisht, te përditësimet mujore të ekipit të edukimit do të gjeni lajme mbi Software-in e Lirë në arsim.
Ministria e Shëndetësisë së Xhamaikës adoptoi GNU Health-in, dhe ministria gjermane e zhvillimit rekomandon Software-in e Lirë për ndërmarrje të vogla dhe të mesme, sepse e shohin që hap mundësi biznesi për sipërmarrës IT dhe ofron burime afatgjata për procese dhe risi vendore ICT.
Miqtë tanë të EFF-s, te artikulli: "Speculation Trumps Academic Freedom: UK Court Censors Security Researchers for Reverse Engineering Publicly Available Software" shkruajtën mbi pengimin në UK të lirisë për të mësuar se si funksionon një program.
Dhe nëse nuk e keni lexuar ende artikullin e Ron Amadeo-s "Dora e hekurt e Google-it mbi Android-in", duhet ta bëni dhe ta diskutoni te lista jonë e postimeve. Ky artikull shpjegon zhvillimet e tanishme te Android-i, të tilla si varësi të reja të mundshme nga software jo i lirë.
Nga grumbullimet planet:

Hugo Roy pyet veten pse Facebook-u do të duhej konsideruar "kompani e Burimit të Hapur", shpjegon si të rregullohet Firefox Sync dhe dokumentoi disa nga veprimet e parapëlqyera të redaktorit tuaj, të tilla si si të fshihet teksti nga pozicioni i çastit deri te nënshkrimi i email-it tuaj dhe si të punohet me efektshmëri te fusha dhënieje teksti te shfletuesi juaj.
Otto Kekäläinen shkrojti mbi të kaluarën dhe të tashmen e VALO-CD-së, një projekt për ta bërë sa më të lehtë që mundet për një përdorues në familje apo zyrë fillimin e përdorimit të Software-it të Lirë, dhe të ardhmen e mundshme që mund të jetë LibreKey.
Çfarë i bën të Dhënat e Hapura të kenë sukses, dhe çfarë të dështojnë? Carsten Agger, bashkërenduesi i grupit tonë vendor për Aahrus/Danimarkë, ofron një transkriptim të bisedës së tij mbi këto çështje.
Jonas Öberg kujton se si filloi me Software-in e Lirë.
Daniel Pocock shkrojti rreth programit të shtrirjes së Debianit te femrat dhe projektet GSoC 2013.
Nikos Roussos mori pjesë te Mbledhja e Mozilla-s dhe shpjegon si të fillohet një site web statik me ember.js dhe handlebars.js.
Nëse doni të ndërtoni një PirateBox, Thomas Kandler e shpjegon te artikulli i vet.
Stazhieri ynë i ri, Max Mehl u mor me organizim email-e punësh të vogla nën Thunderbird,
dhe Lucile Falgueyrac shkroi një përmbledhje si të kryhen punë parashtypjeje.
Veç tyre planeti mbuloi tema si sendërtim rregullime parazgjedhje të volitshme për përdoruesin, ndreqjen e të metës "kyçje e pakyçshme ekrani" te Fedora 19, dhe një përditësim prej botës NoFlo.

Aktivizohuni: Nuk duan që ju të - por çfarë doni ju?

Si u shpjegua më sipër, ne nuk duam që njerëzit të pranojnë krejt kufizimet në pajisjet tona. Për të fituar më tepër transparencë duam një mënyrë më të lehtë për të njoftuar një publik më të gjerë rreth këtyre kufizimeve, dhe veçanërisht për t’u dhënë të rinjve një rrugë për të treguar se nuk pajtohen me to. Më 4 nëntor do të hedhim në qarkullim TheyDontWantYou.To dhe tok me organizma partnerë tanët do të zëmë të shpërndajmë mesazhe të shkurtër mikroblogimi, duke theksuar kufizime të ndryshme me ndihmën e etiketës #theydontwantyouto.

Na ndihmoni të shpërndajmë mesazhet, dërgojini mesazhet te miqtë tuaj, shkruani rreth tyre në blogun tuaj, përdorni ngjitësat tanë për shtim të ndërgjegjësimit, dhe për të na bërë të ditura kufizime që hasni në jetën tuaj të përditshme.

Falënderojmë krejt Anëtarët Shok dhe dhuruesit që bëjnë të mundur punën tonë,
Matthias Kirschner - FSFE

--
Free Software Foundation Europe
Lajme FSFE
Veprimtari FSFE Së Afërmi
Lidhje Artikujsh Nga Blogu Fellowship
Diskutime mbi Software-in e Lirë