Kujdes: Kjo faqe s’është përkthyer ende. Ajo që po shihni më poshtë, është faqja në versionin origjinal. Ju lutemi, përdorni këtë faqe që të shihni se si mund të ndihmoni te përkthimet dhe anë të tjera.
Si edhe vitet e shkuara, FSFE-ja do të jetë e pranishme me një asamble gjatë Chaos Communication Camp nga 26 deri më 30 dhjetor. Më tepër hollësi më poshtë. Hëpërhë jemi duke pranuar aplikime për sesione, nëse jeni i interesuar të merrni pjesë, shihni lajmin: https://fsfe.org/news/2017/news-20171024-01.en.html
Erik Albers do të mbajë një bisedë rreth fushatës së tanishme "Para Publike? Kod Publik!", se si shteti dhe shoqëria mund të përfitojnë nga investimi i parasë publike në zhvillimin e Software-it të Lirë dhe se ç’mund të bëhet në Halle, për të ecur përpara.
This year approaches its end and that's why we want to meet us, to talk about the topics that didn't just only move the local fellowship group, but also the whole FSFE in 2017. You are gladly invited for chatting and drinking "Glühmate" together.
Takimi i bashkësisë është një mundësi takimi një herë në vit për krejt personat e angazhuar brenda FSFE-së, për të shkëmbyer dije, për të fuqizuar projekte, hack-uar, diskutuar dhe aktivizuar. Këtë vit do të nisim disa sprinte dhe do të diskutojmë zhvillimet më të reja brenda FSFE-së.
T-DOSE është një veprimtari e lirë dhe e përvitshme e organizuar në Holandë për të promovuar përdorimin dhe zhvillimin e Software-it me Burim të Hapur. FSFE-ja do të jetë e pranishme me një stendë.
Bashkërenduesja ligjore e FSFE-së, Polina Malaja do të jetë e pranishme në Open Compliance Summit, në Jokohama, Japoni, dhe do të mbajë një bisedë rreth praktikave REUSE për zhvilluesit.
Më 13 dhe 14 Nëntor 2017, FSFE-ja do të marrë pjesë në mbledhjen nismëtare të projektit FOSS4SMEs në Selanik, Greqi. Projekti që zuri fill këtë tetor, është një bashkëpunim mes Atlantis Engineering, Open Forum Europe, University of Skövde, DLEARN dhe Dublin Institute of Technology, me synimin të sjellë edukim mbi software-in e lirë në ndërmarrje të vogla dhe të mesme.
OSHWDem është një takim i përvitshëm krijuesish që zhvillohet në A Coruña, Spanjë. FSFE-ja do të jetë e pranishme me një stendë dhe pret për fjalë dhe biseda me interes.
Natale Vinto, bashkërenduesi italian i FSFE-së do të mbajë një fjalë mbi fushatën "Para Publike? Kod Publik!" në Connessioni Caotiche, një veprimtari hack-imi në Milano në 19:00. Gjuha është italishtja, veprimtaria është publike dhe me hyrje falas.
A ka, pra, re gjëkundi? Tobiasi dhe Mikaeli paraqesin FreedomBox-in dhe PirateBox-in, dy shpërndarje që në njëfarë mënyre plotësojnë njëra-tjetrën në synimin për të zënë vendin e punëve zakonisht të përshoqëruara me shërbyes në "re". Si e do zakoni për takimet tona të të enjtes (çdo të enjte të dytë dhe të katërt të muajit) kjo do të zhvillohet në e-Lok [3], pranë Bahnhof Ostkreuz. Fillimi do të jetë diku aty rreth orës 19:30, edhe pse disa nga ne takohen më herë për një dorë të ngrënë dhe muhabet. Vizitorët janë të mirëpritur!
Të mërkurën, më 8 nëntor, 2017, drejtori ekzekutiv i FSFE-së Jonas Öberg do të gjendet në Forumin e Strategjisë së Burimit të Hapur në Nju Jork, ku do paraqitet për herë edicioni pasues i praktikave REUSE të FSFE-së.
Si grupi vendor i FSFE-së për Milanon, do të jemi të pranishëm në Ditën e Linux-it, në Milano, për festimin e e këtij manifestimi kombëtar duke diskutuar mbi Linux-in dhe software-in e lirë. Do të ketë të pranishëm nga grupi vendor në të dy bisedat, njëra mbi "Para Publike? Kod Publike!" dhe tjetra mbi privatësinë dhe anonimitetin përmes mjedise Tor kontejner dhe virtual. Veprimtaria do të zhvillohet duke filluar nga 9:30 në Università degli Studi di Milano, dega e informatikës, Via Comelico, 39 - Milano - Itali. Bisedat janë në italisht dhe hyrja është falas.
FSFE-ja do të jetë e pranishme në Kuvendin e Burimit të Hapur 2017 në Pragë, Republika Çeke. Matthias Kirschner do të mbajë një fjalë rreth "Limux: Humbja e një fari", dhe Polina Malaja do të jetë e pranishme në "DSM, EIF, RED: Akronime në nivel BE-je dhe Pse Kanë Rëndësi për Lirinë e Software-it".
Polina Malaja, analistja jonë e politikave dhe bashkërendues ligjore, mban një fjalë në CopyCamp në Varshavë, Poloni, rreth implikimeve mbi mjedisin e software-it të krijuar në bashkëpunim nga propozimi i tanishëm për një Direktivë të Drejtash Kopjimi në BE, dhe rreth fushatës tonë Shpëtoni Ndarje Kodi. Carmen Bakker dhe Erik Da Silva, stazhierë të tanishëm në FSFE, mbajnë një fjalë rreth fushatës tonë Para Publike, Kod Publik
Të mërkurën, më 20 shtator, 2017, duke filluar nga 6:30 pm, grupi vendor i FSFE për Frankoninë do të mbajë një takim të veçantë në Lederer Kulturbrauerei, Nuremberg, të ftuar specialë nga grupi vendor i FSFE-së për Dyseldorfin. Ftohen të marrin pjesë tërë miqtë e Software-it të Lirë! Nëse moti është i mirë, do të na gjeni në verandë, nëse bie shi ose është shumë ftohtë, do të jemi brenda. Sido që të jetë, mund të na dalloni si grup FSFE-ja nga bluzat tona dhe zbukurimet në tavolina. Nëse keni në plan të vini, më shkruani në floriansnow@fsfe.org që të di sa vende të rezervoj.
Erik Albers do të flasë mbi temën "Para Publike, Kod Publik" në Digitale Woche Kiel e parë (java dixhitale Kiel). Fjala do të nxjerrë në pah përfitimet që lindin kur software-i i financuar me para publike hidhet në qarkullim si Software i Lirë. Në veçanti ai do të flasë mbi situatën në Kiel dhe premtimet e qeverisë së tanishme. Biseda do të hapet më 10:00 në Literaturhaus në Kiel.
Erik Albers do të mbajë një fjalë në edicionin e 15-të të Kieler Open Source und Linux Tage rreth fushatave "Pyetni Kandidatët Tuaj" dhe se si të ushtrohet trysni për Software-in e Lirë si një temë në fushata elektorale. Po ashtu, FSFE-ja do të jetë e pranishme me një stendë dhe pret biseda interesante.
Të mërkurën, më 6 shtator, grupi vendor për Rinin/Majnin do të takohet në Zentrale Coworking në Frankfurt. Do të takohemi atje rreth orës 19:00h.
FrOSCon është një konferencë e Software-it të Lirë, organizuar nga dega e shkencave kompjuterike të universitetit University Bonn-Rhein-Sieg dhe nisma të tjera vendore. Vizitorëve do t’u ofrohet një program ngazëllues me biseda dhe praktika për vizitorë të të gjitha moshave. FSFE-ja do të jetë e pranishme me një stendë dhe një bisedë. Presim të bisedojmë me ju mbi Software-in e Lirë, teknologjinë, dhe politikat.
Nga 4 deri më 8 gusht, FSFE-ja do të jetë e pranishme me një seksion të vetin në SHA-Camp, në të cilin ofrojmë një hapësirë të përbashkët për diskutime, takime, hack-ime dhe organizim. Do të ketë disa sesione të vetë-organizuara, rreth temash si Para Publike, Kod Publik, F-Droid, Software-i i Lirë në sektorin publik holandez, hardware komunikimesh të sigurta, Pyetni Kandidatët Tuaj dhe se sa të besueshme janë sistemet tona. Veç tyre, njerëzit mund të marrin pjesë në supersfidën e këndimit të këngës së Software-it të Lirë në sesionet e shumta në seksionin e FSFE-së.
Të mërkurën, më 2 gusht, grupi vendor për Rinin/Majnin do të takohet në Café Albatros në Frankfurt. Do të jemi atje rreth orës 19:00.
Vendi i zhvillimit: Sala della Società di Letture e Conversazioni Scientifiche. Palazzo Ducale. Piazza De Ferrari. Genova - Koha: 17:00 - 20:00 - Programi: 17:00 Mirëseardhja 17:00 Marco Ciurcina kujton Stefano Rodotà-n. 17:30 Konferenca e Richard Stallman -it* 18:30 Rrahje mendimesh dhe pyetje 19:00 Përgjigje nga Richard Stallman 19:30 Konkluzione * fjala do të jetë në anglisht me një përkthim sekuencial në italisht nga Daniela Vigatti Hyrje e lirë. 19:45 #DayAgainstDRM flashmob për të drejtat dixhitale me banderolë STOP DRM në Piazza De Ferrari. Lidhuni me organizatorët te info(at)softwareliberoliguria.org
Edhe këtë vit, ne, si grupi vendor i FSFE-së për Milanon, tok me Game Over Milano, do të kremtojmë Ditën Ndërkombëtare Kundër DRM-së, një udhëtim kushtuar promovimit të nismave dhe informacioneve mbi kërcënimin që DRM përfaqëson për HTML5-n, e-librat, muzikën, lojërat, etj. Veprimtari do të zhvillohet në Game Over Milano Room - Leoncavallo, Milano, Itali duke filluar nga 19:30. Do të ketë biseda teknike dhe mandej pjesën e zakonshme 8-bit: Ndeshje me kërcënimet ndaj Lirisë Dixhitale me informacion të goditur dhe muzikë të bukur. Ju lutemi, ejani dhe ndihmonani ta bëjmë më të fuqishme se herën e shkuar! Lidhuni me ne përmes milano@lists.fsfe.org
Të mërkurën, më 5 korrik, grupi i FSFE-së për Rinin/Majnin do të takohet në "Zentrale Coworking" në Frankfurt, për të ndjekur bisedën me Max Mehl-in, të titulluar "Para Publike, Kod Publik". Do të takohemi atje rreth orës 19:00, biseda do të fillojë rreth orës 19:30.
Të shtunën, më 1 korrik, grupi i FSFE-së për Rinin/Majnin do të mblidhet në "Offtopia" në Ofenbah, për të marrë pjesë në bisedën me Guido Arnold-in të titulluar "Die Software der Zukunft liegt in unseren Händen". Do të takohemi atje rreth orës 10:00, biseda do të fillojë më 13:30.
Takimet Botërore të Software-it të Lirë (Libre Software Meeting) janë një varg konferencash, praktikash dhe tryezash të rrumbullakëta me hyrje falas, mbi Software-in e Lirë dhe përdorimet e tij. Kjo veprimtari zhvillohet në një qytet të ndryshëm çdo vit, që nga 2000. Duke grumbulluar një turmë disamijëshe, Takimi i 17-të i Software-it të Lirë do të zhvillohet në qytetin e Sënt-Etienit, që gjendet në rajonin e Overgnjë-Ron-Alpe (Francë) nga 1 deri më 7 Korrik, 2017. Si veprimtari globale, folës nga krejt bota vijnë për të paraqitur dhe diskutuar projektet e tyre me një publik të gjerë dhe të vëmendshëm. Tej software-it të lirë, do të ketë edhe zona të tjera që kanë të përbashkët të njëjtin koncept të lirisë, f.v., hardware (Hackerspace, Fablab,…) dhe krijimtaria artistike nën licenca të lira (grafikë, muzikë, kinema…).
Të martën, më 13 Qershor, grupi vendor FSFE për Rinin/Majnin do të vizitojë Penguin User Group në Zur Guten Stube në Ginsheim-Gustavsburg. Do të takohemi atje rreth orës 19:00 h.
Të merresh praktikisht me TI është e mundur vetëm me Software-in e Lirë, kjo është arsyeja pse FSFE-ja do të jetë e pranishme me një stendë informacioni dhe artikujsh tregtarë në MAKER FAIR BERLIN gjatë 10 dhe 11 Qershorit 2017. Të shtunën, MAKER FAIR është e hapur për nxënës dhe mësues, falas. MAKER FAIR është një si punë takimi krijuesish dhe vizitorësh të interesuar për ide të ndryshme të fushës DIY. Në stendën e FSFE-së, vizitorët mund të gjejnë informacione rreth Raspberry Pi-së, si dhe një kompjuter për aplikacione standarde, posaçërisht të përshtatshme për arsimin, informacione se si të ‘çlirohen’ telefona Android dhe mbi fshehtëzimin e email-it.
Bended Realities ist ein Fest für Digitalkultur und eine maker-Faire für Engagement und Bildung. Die Free Software Foundation Europe wird vor Ort sein mit einem Stand zum Thema Freie Bildung und Freie Software. -- shqip: Realitete të Përthyera është një festival për kulturën dixhitale dhe një maker-faire rreth angazhimeve dhe arsimit. Free Software Foundation Europe do të jetë e pranishme me një stendë dhe do të japë informacione rreth Edukimit të Lirë dhe Software-it të Lirë.
Përdoreni. Studiojeni. Ndajeni Me të Tjerët. Përmirësojeni. Software-i që na jep këto Liri lejon një ndërveprim më të kuptimtë me kompjuterat tanë dhe - më me rëndësi - me të tjera qenie njerëzore si ne. Çfarë e bën Software-in e Lirë kaq tërheqës dhe pse Software-i i Lirë mund ta bëjë botën një vend më të mirë, Anëtarësia Shok e FSFE-së për Munihun përpiqet ta transmetojë me një praktikë të premten, më 2 qershor 2017 (duke filluar nga ora 18:00) në WikiMUC; Angertorstr. 3; Munih. S’ka nevojë për njohuri të mëparshme dhe personat që e konsiderojnë veten jo edhe aq teknikë janë veçanërisht të mirëpritur. Presim t’ju shohim!
OpenExpo është një konferencë e përvitshme mbi Software-in e Lirë dhe Të dhënat e Hapura, që do të zhvillohet më 1 qershor, 2017 në Madrid. Free Software Foundation Europe do të jetë e pranishme me një stendë informacioni për vizitorët rreth organizmit dhe punës së tij.
Matthias Kirschner do të marrë pjesë në një diskutim mbi se si të dhënat, kodi, algoritmet ndikojnë mbi jetën dhe ekonominë tonë. Ç’do të ndodhë nëse një dorë kompanish kontrollojnë se kush mund të ndryshojë kod burim, modifikojë apo ndajë atë me të tjerët? Këto do të diskutohen nga 11:00 më 12:30, në Ditën e Kishës, Festung Mark, Kulturwerkstatt, Hohepfortewall 1, Magdeburg.
Në konferencën openSUSE 2017, Matthias Kirschner do të mbajë një fjalë lidhur me projektin Limux dhe do të diskutojë se çfarë mund të mësojë prej këtij rasti bashkësia e Software-it të Lirë. Konferenca openSUSE është veprimtaria e përvitshme e bashkësisë openSUSE që mbledh tok njerëz nga anembanë bota për t’u takuar dhe bashkëpunuar. Fjala do të mbahet nga 10:00 deri më 11:00 në sallën kryesore të in Z-Bau, Frankenstraße 200, Nuremberg.
Erik Albers, bashkërendues i FSFE-së për bashkësinë dhe komunikimin, do të mbajë një fjalë hapjeje në Open Tech Summit 2017 mbi "Digital-o-Mat ose si të bëhet Software-i i Lirë temë e zgjedhjeve demokratike". FSFE-ja do të jetë gjithashtu e pranishme me një stendë. Open Tech Summit është një konferencë mbi zhvillimet teknologjike dhe Software-in e Lirë.
Nga 24 deri më 27 maj do të kemi një stendë informacionesh në Veganmania, një festivalin veror për vegan. Presim të diskutojmë tema të Software-it të lirë me pjesëmarrësit e atjeshëm.
Matthias Kirschner, president i FSFE-së, Polina Malaja, bashkërenduese ligjore dhe analiste politikash, dhe Daniel Pocock, përfaqësuesi i ri i sapozgjedhur i Anëtarësisë Shok të FSFE-së do të jenë të pranishëm me biseda të tyret në OSCAL (Konferenca e Burimit të Hapur Shqipëri) 2017, konferenca e parë vjetore në Shqipëri e organizuar për promovimin e lirisë së software-it, software-in me burim të hapët, kulturën e lirë dhe dijen e hapët. Veprimtaria zhvillohet nga 13 deri më 14 maj në Tiranë.
Më 13 maj, Maurice Verheesen, bashkërendues i ekipit për Holandën do të mbajë një fjalë rreth temës "Para Publike, Kod Publik" në Veprimtarinë e Burimit të Hapur në bibliotekën e Tilburgut, Holandë. Hyrja është falas.
Në veprimtarinë e përvitshme në Grac, plot biseda prezantuese dhe stenda informacioni u ofrojnë vizitorëve mundësinë të përditësojnë informacionin mbi GNU/Linux-in, Software-in e Lirë dhe projekte të afërta. Veprimtaria zhvillohet në FH Joanneum. FSFE-ja do të jetë e pranishme me një stendë informacioni.
Konferenca foss-north është një konferencë mbi software-in e lirë që mbulon nga pikëpamja e perspektivës teknike si software-in, ashtu edhe hardware-in. Zhvillohet në Goteborg dhe ofron një vend takimesh për bashkësitë foss skandinave. Përkrahësi i FSFE-së Johan Thelin do të organizojë një konferencë në të cilën do të figurojnë si folës edhe persona të tjerë nga FSFE-ja.
Në "Linux-Infotag Augsburg" e 16-të FSFE-ja do të jetë e pranishme me një stendë informacioni dhe artikujsh tregtarë. Veprimtaria zhvillohet më 22 prill 2017 nga 9:30 deri më 17:30 në fakultetin TI të Universitetit të Shkencave të Aplikuara të Augsburgut, Gjermani. Hyrja është e lirë.
Të mërkurën, më 5 prill, grupi vendor i Rinit/Majnit do të vizitojë Repaircafé Gallus në Repair Café Gallus në Frankfurt. Do të takoheni atje rreth orës 18:00 h.
Të hënë dhe të martën, 3-4 Prill, FSFE-ja do të jetë e pranishme me një stendë të vogël informacionesh dhe artikujsh tregtarë në edicionin e e pranverës së Linke Medienakademie. Tema e këtij edicioni është #Polarisierung. Do të gjendemi atje nga ora 10:00 deri më 17:00, gjatë të dyja ditëve. Presim të takohemi dhe diskutojmë me ju!
faqes përkatëse wikiVendi i zhvillimit: Linke Medienakademie e.V. Franz-Mehring-Platz 1, 10243 Berlin - Foyer (kati i 1-rë), pranë S-Bhf.Ostbahnhof
Wiki është një mjet i rëndësishëm për stafin dhe veprimtarët e FSFE-së në ndarjen e dijes me të tjerët, në dokumentimin e veprimtarive, dhe furnizimin e informacionit mbi grupet vendore. Është e rëndësishme që përdorimi i tij është pa shumë yçkla dhe joshës dhe që informacioni atje të jetë i strukturuar mirë, që të mund të gjendet dhe zgjerohet me lehtësi. Kjo lyp mirëmbajtje të vazhdueshme, të lëndës dhe mënyrës së punës. Ky takim do të japë bazat për këto veprimtari mirëmbajtjeje. Do të shërbejë edhe si fillim i Sprintit vjetor të Wiki-it.
Më 28 Mars, 2017, presidenti i FSFE-së, Matthias Kirschner do të mbajë një fjalë, me titull "Rruga e gjatë e fuqizimit të njerëzve për kontrollin e teknologjisë", në ISCTE – Instituti i Universitetit të Lisbonës. Veprimtaria organizohet nga shoqata jonë shoqe, ANSOL dhe përkrahur me dashamirësi nga MOSS, programi Open Source Masters në ISCTE, dhe ISCTE's ACM Student Chapter.
Biseda do të mbahet në anglisht, dhe do të pasohet nga një sesion pyetje-përgjigje, ku do të diskutohen keqkuptimet që rrethojnë Software-in e Lirë.
Vendi i zhvillimit: Auditório JJ Laginha, ISCTE, Lisbonë
Takimi i ardhshëm i Grupit të FSFE-së për Lincin do të mbahet më 24 mars, 2017. Plani: 16:00 - 17:30: Linuxwochen Linz 17:30 - 18:00: Plani i ditës 18:00: Shkëmbime shoqërore Është i ftuar të marrë pjesë çdo person i interesuar për Software-in e Lirë. Më pas, pjesëmarrësit janë të mirëpritur të qëndrojnë dhe bëjnë shoqëri. Informacionet do të botohen në këtë faqe, dora-dorës që ka të tilla.
Të hënën, më 20 mars, FSFE-ja do të jetë e pranishme me një sesion diskutimesh lidhur me rolin e Software-it të Lirë, në kapitullin Shkencë e Hapur të Barcamp Open Science “Vënia në zbatim e Shkencës së Hapur”. Barcamp-i është veprimtaria paraprake e Konferencës Ndërkombëtare të Shkencës së Hapur, që organizohet nga Leibniz Research Alliance Science 2.0 në bashkëpunim me Wikimedia Deutschland dhe zhvillohet më 21-22 mars. Sesioni do të përbëhet nga një prezantim i shkurtër dhënë nga Olga Gkotsopoulou rreth dokumentit mbi qëndrimin e FSFE-së lidhur me përqafimin e Software-it të Lirë dhe Standardeve të hapura në programin Horizon 2020 dhe krejt kërkimin e financuar me para publike dhe pjesa e shkëmbimit të mendimeve.
Koha: 9:00 a.m. – 5.15 p.m.
Vendi i zhvillimit: Wikimedia Deutschland, Tempelhofer Ufer 23-24, 10963 Berlin
Më 18 mars, grupi i Anëtarësisë Shok BNL do të takohet në Kranenburg Praktijkonderwijs në Utreht, me grupin e përdoruesve të Linux-it NLLGG. Do të takohemi rreth orës 11:00.
Chemnitzer Linux-Tage është konferenca më e madhe e Gjermanisë mbi Software-in e Lirë dhe zhvillohet më 11 dhe 12 mars në ndërtesën qendrore të Universitetit të Çemnicit, Reichenhainer Straße 90. FSFE-ja do të jetë e pranishme me një stendë informative, dhe të shtunën, 11 mars, më 16:00 Uhr im Raum V6, Max Mehl flet mbi Direktivën e BE-së për Bllokime të Radiofrekuencave. Hyrja në krejt veprimtarinë është falas.
Matthias Kirschner, presidenti i FSFE-së do të mbajë një fjalë të martën, më 7 mars, gjatë 58. Netzpolitischer Abend, organizuar nga Digitale Gesellschaft e.V. Titulli i fjalës: „Limux: Wenn einem Leuchtturm der Strom abgestellt wird“ ("Limux: nëse shuani një far") . Veprimtaria zhvillohet në c-base, Rungestraße 20, 10179 Berlin. Hyrja fillon më 19:15 dhe biseda më 20:00. Hyrja është e lirë. Hashtagu për veprimtarinë: #npa058
Simoni i grupit vendor të Lincit do të mbajë një bisedë ndriçuese rreth modeleve të biznesit me Software të Lirë dhe se si ata lidhen me të Dhënat e Hapura, në Business Treff Open Data Day të organizuar nga Agjencia Vjeneze e Biznesit.
Të mërkurën, më 1 mars, grupi i anëtarësisë shok për Rinin/Majnin të të takohet në "Zentrale Coworking" të Frankfurtit për të ndjekur një bisedë nga Max Mehl, të titulluar "Para Publike, Kod Publik". Do të mblidhemi atje rreth orës 19:00, dhe biseda do të fillojë më 19:30.
Të enjten, më 14t shkurt, drejtori ekzekutiv i FSFE-së, Jonas Öberg do të mbajë dy biseda, si pjesë e seksionit "E ardhmja" të konferencës. Tek "From EXIF to SPDX: How Persistent Metadata is Changing the World", Jonas do të flasë rreth pse dhënia e kodit burim është gjithnjë e më tepër e rëndësishme dhe te "OpenChain for Projects and SMEs" do të ndajë me pjesëmarrësit diçka nga përvoja e tij me OpenChain për projektet e Software-it të Lirë.
Të hënën, më 13 shkurt, themeluesi i entit tonë motër do të mbajë një bisedë në Mynster (NorthRin-Vestfali). Përkrahësit e FSFE-së do të ngrenë një stendë të vogël informative dhe presin të bisedojnë me publikun lidhur me Software-in e Lirë në Europë.
FOSDEM, konferenca më e madhe në Europë mbi Software-in e Lirë, do të zhvillohet më 4 dhe 5 shkurt, në Campus Solbosch të Universitetit të Lirë të Brukselit (ULB).
Hyrja është e lirë.
Si zakonisht, FSFE-ja do të jetë e pranishme me një stendë dhe do të paraqesë të rejat e fundit nga puna e saj, një gamë të gjerë materialesh informative, ngjitëse, dhe kartolina, dhe sigurisht
fjalën e fundit të modës FSFE.
Të mërkurën, 1 shkurt, grupi i anëtarësisë shok për Rinin/Majnin do të vizitojë Repaircafé Gallus në Repair-Café Gallus të Frankfurtit. Do të mblidhemi aty rreth orës 18:00.
Këtë të enjte, më 12 janar, Matthias Kirschner do të mbajë një bisedë frymëzuese rreth "Rruga e gjatë e fuqizimit të njerëzve për të kontrolluar teknologjinë", për takimin e grupit të FSFE-së për Berlinin. Kjo është një datë si zëvendësim i bisedës së anuluar të 10 nëntorit 2016. Janë të mirëpritur vizitorë të rinj! Fillimi zyrtar i bisedës është ora 20:00, por shumë nga ne do të jenë atje duke filluar nga ora 19:30 për një kafe apo snak të shijshëm dhe të përballueshëm, te e-lok. Vendi i zhvillimit: e-Lok Jugendclub, Laskerstraße 6-8, 10245 Berlin
Të mërkurën, më 4 janar, grupi i anëtarësisë shok për Rinin/Majnin do të takohet në Zentrale Coworking, në Frankfurt. Do të mblidheni atje rreth orës 19:00.