Kujdes: Kjo faqe s’është përkthyer ende. Ajo që po shihni më poshtë, është faqja në versionin origjinal. Ju lutemi, përdorni këtë faqe që të shihni se si mund të ndihmoni te përkthimet dhe anë të tjera.
The FSFE empowers users to control technology with its diverse activities and concrete engagement for software freedom. Follow us and make sure to receive regular updates and deeper insights on our various channels.
To keep up with our latest news, subscribe to our RSS feed and visit the different media channels.
Javën e kaluar, Komisioni Europian e ndëshkoi kompaninë me një gjobë prej më shumë se 500 milionë euro për shkelje të një ujdie lidhur me trupëzimin e Internet Explorer-it brenda Windows-it. Karsten Gerloff, president i FSFE-së, shpjegon pozicionin e Free Software Foundation Europe-s.
Si lexues i sajtit tonë, jeni i ndërgjegjshëm për rëndësinë e Software-it të Lirë për një shoqëri të lirë. FSFE-ja lufton për Software-in e Lirë që prej 2001-shit. Prej asaj kohe, kemi vulën tonë në një ndryshim të madh, duke ushtruar trysni politike, duke ndihmuar zhvilluesit e Software-it të Lirë me ekspertizë ligjore, dhe duke krijuar ndërgjegjësim publik mbi lirinë e software-it. Që të vazhdojmë këtë punë të rëndësishme, për 2014-n na duhet një buxhet 390 mijë eurosh. Na mungojnë ende 160 mijë.
For a long time, cars were a symbol of freedom and independence. No longer. In its Zoe electric car, car maker Renault apparently has the ability to remotely prevent the battery from charging. And that’s more chilling than it may sound.
Rockstar, një konsorcium kompanish i formuar për të grumbulluar disa patenta të nxjerra në shitje përmes procedurës së shpërbërjes së Nortel-it, ka paditur Google-in dhe të tjera kompani për shtatë nga këto patenta.
Sot FSFE-ja fillon një fushatë të re për t’i bërë të rinjtë të ndërgjegjshëm për kufizimet dixhitale që tolerojnë. Mikroblogimi dhe ngjitëset përbëjnë pjesët thelbësore të kësaj strategjie të freskët për angazhimin e rinisë në betejat për lirinë dixhitale.
U bënë 30 vjet që kur Richard Stallman njoftoi fillimin e projektit GNU. Një nismë, që zuri fill me irritimin e programuesit për shkak të një përudhësi të dëmtuar shtypësi, ka ndryshuar shoqërinë tonë. Ideja e software-it që gjithkush mund ta përdorë, studiojë, ndajë me të tjerët dhe përmirësojë doli në fakt shumë e fuqishme.
Një koalicion i më shumë se 265 organizmash ka hedhur në qarkullim një listë me 13 Parime Ndërkombëtare mbi Zbatimin e të Drejtave të Njeriut në Survejimin e Komunikimeve. Të premten e javës së fundit, grupet e paraqitën zyrtarisht listën me parime në sesionin e 24-t të Këshillit të Kombeve të Bashkuara për Të Drejtat e Njeriut në Gjenevë.
Na duhen kompjuter të cilëve u zihet besë. Lajmet së fundi mbi survejimin në shkallë planetare e bëjnë të qartë se sa të rëndësishëm janë sistemet e kompjuterave për shoqërinë tonë. Kontrolli i këtyre kompjuterave lypset të jetë në dorën e përdoruesve të tyre.
Privatësia është një e drejtë themelore e njeriut, dhe është kyçe për mirëmbajtjen e shoqërive demokratike. FSFE-ja u bashkohet më shumë se 100 organizmave të tjerë të cilët kërkojnë që shtetet të respektojnë të drejtat e njeriut, dhe ta vënë aparatin e tyre të survejimit nën kontroll demokratik. Kemi nënshkruar Parimet Ndërkombëtare mbi Zbatimin e të Drejtave të Njeriut në Survejimin e Komunikimeve. Këto parime janë një kontribut i rëndësishëm në diskutimin rreth se si të ofrohet siguri në një shoqëri të lirë. Pas më shumë se një vit në përgatitje, tani janë më të rëndësishme se kurrë.
FSFE-ja i ka dërguar një letër të hapur Komitetit Elektoral Kombëtar të Estonisë (NEC) lidhur me sistemin e votimit në Internet të vendit. Ne i kërkojmë NEC-ut bërjen publike si Software të Lirë të software-it të përdorur në procesin e votimit.
Në një dokument antitrust të kohëve të fundit parashtruar Komisionit Europian, një koalicion i udhëhequr nga Microsoft-i pretendohet gënjeshtërt se shpërndarja falas e Software-it të Lirë dëmton konkurrencën. FSFE-ja i ka shkruar një letër autoriteteve të konkurrencës në Komisionin Europian për ta hedhur poshtë këtë pretendim, dhe e bën të qartë që Software-i i Lirë është kritik për një treg TI të hapur, konkurrues.
To:
European Commission
DG Competition
B-1049 Brussels
Belgium
FSFE-ja mbështet Letrën e Hapur për ndalimin e survejimit. Letra bën thirrje për dymbëdhjetë hapa politikë, përfshi zhvillimin dhe promovimin e Software-it të Lirë për vetëmbrojtje dixhitale. Letra u fillua nga Digitale Gesellschaft dhe u nënshkrua gjithashtu nga organizma si CCC, Creative Commons Germany, shoqata e gazetarëve gjermanë, DigitalCourage, EFF, EDRI, Greenpeace Central/East Europe, Transparency International Germany, German Consumer Protections, Wikimedia, dhe të tjerë.
Free Software Foundation Europe dhe Open Rights Group i kanë dërguar një an letër të hapur [pdf] presidentit të Parlamentit Europian, Martin Schulz. Zotit Schulz i është kërkuar së fundi [pdf] të kryejë një studim mbi transparencën brenda Parlamentit.
Në një artikull të botuar sot, The Guardian përshkruan se si Microsoft-i po bashkëpunon aktivisht me NSA-në. Sipas artikullit, Microsoft-i po e furnizon NSA-në me akses të gjerë te komunikimet e cilitdo që përdor shërbimet e kompanisë:
Sot, Hemlis, një propozim për një aplikacion të ri për shkëmbim mesazhesh të fshehtëzuar në celular, mblodhi 125 mijë dollarë amerikanë si financim nga vullnetarë. Është e mrekullueshme të shohësh projekte të reja ambicioze software-i të fitojnë përkrahje nga bashkësia, por sa i hapur do të jetë?
Sot, Free Software Foundation Europe boton pyetjet e veta lidhur me Software-in e Lirë dhe zgjedhjet, referuar atyre parlamentare gjermane të kësaj vjeshte, që do të zhvillohen më 22 shtator. Pyetjeve që mbulonin çështje si kontrolli i përdoruesve mbi pajisjet e tyre elektronike, dhënia publikut e programeve të kompjuterave të financuar nga paraja publike, si Software i Lirë, dhe patentat mbi software-in, u janë përgjigjur krejt partitë politike.
The Gjykata Rajonale e Hamburgut [Landgericht Hamburg] e deklaroi FANTEC GmbH-në fajtore për shkelje të licencës GNU General Public License në lojtësin e tyre FANTEC 3DFHDL të mediave. Në çështjen gjyqësore të Harald Welte-s kundër FANTEC GmbH gjykata vendosi që FANTEC-u duhet të paguajë një gjobë plus kostot shtesë të avokatëve, dhe duhet të japë informacion të saktë rreth zinxhirit të tyre të shpërndarjes së FANTEC 3DFHDL Media Player.
Në një njoftim të botuar sot, Komisioni Europian u kërkon organizmave publike të çlirohen nga bllokimi i mundësive të zgjedhjes prej tregtuesve më sistemet e tyre TI. Komisioni dëshiron që organizmat publike të marrin për bazë standardet, dhe jo markat dhe teknologjitë pronësore, kur blejnë software.
Në javët e fundit, veprimtaritë politike në Stamboll janë në qendër të vëmendjes së medias ndërkombëtare. Po zhvillohen diskutime të rëndësishme rreth qeverisë së Turqisë dhe popullit të saj. Në këtë proces kanë humbur jetën disa vetë
I përballur me protesta të përdoruesve, Microsoft-i është detyruar t’i bëjë kushtet e shitjes për konsolën e vet më të re për lojëra Xbox të duken më pak kufizuese. Megjithatë, kushtet “e reja” që shkaktuan një zemërim të tillë, nuk qenë të reja aspak: ato qenë të ngjashme me shumicën e licencave të tjera produktesh software-i pronësor, përfshi ato që përfshijnë produkte të tjera software-i dhe shërbime në linjë nga Microsoft-i.
Të premten, më 7 qershor, parlamenti gjerman vendosi për një mocion të përbashkët mbi kufizimin e patentave mbi software-in (shihni përkthimin në Anglisht nga BIKT). Parlamenti i kërkon qeverisë gjermane të ndërmarrë hapa për kufizimin e akordimit të patentave mbi programe kompjuteri. Software-i do të duhej të mbulohej përjashtimisht nga të drejta kopjimi, dhe mbajtësit e të drejtave të kopjimit nuk do të duhej të zhvlerësoheshin prej palësh të treta përmes patentash software-i. I vetmi përjashtim ku patentat do të duheshin lejuar janë programet e kompjuterit që zëvendësojnë një përbërës mekanik ose elektromagnetik. Veç kësaj, parlamenti e bëri të qartë që veprimet qeveritare lidhur me patentat nuk duhet të përzihen kurrë me ligjshmërinë e shpërndarjes së Software-it të Lirë.
Në një çështje gjyqësore të kompanie Sllovake që ka protestuar kundër detyrimit për të përdorur një software jo të lirë për të deklaruar taksat, një gjykatë ka dështuar të japë një vendim mbi thelbin e çështjes.
Siç njoftohej në buletinin tonë më të ri, W3C-ja dëshiron të sendërtojë në web kontrolle përdorimi . Electronic Frontier Foundation (EFF) ka publikuar tani një objeksion formal drejtuar grupit të punës hartues të draftit HTML. Free Software Foundation Europe i përkrah plotësisht objeksionet e EFF-s.
Në prill Parlamenti Gjerman ('Bundestag') paraqiti një mocion kundër patentave të software-it. Në të i kërkohet qeverisë gjermane të ndërmarrë hapa për kufizimin e akordimit të patentave mbi programe kompjuteri. Pas dëgjimit të parë në Parlament, si përfaqësues i FSFE-së u ftua Matthias Kirschner, si ekspert i jashtëm në mbledhjen e komitetit ligjor më 13 maj. FSFE-ja botoi një deklaratë me shkrim dhe ne botuam shënimet e paraqitjes sonë gojore. Komiteti do të mbajë një mbledhje të dytë dhe më pas, më 6 qershor Parlamenti do të votojë në lidhje me mocionin.
Këtë të premte, 23 maj 2013, FSFE-ja po i bashkohet fushatës së 8-të Ndërkombëtare "Dita kundër DRM-s" në thirrjen për t’i dhënë fund Administrimit Dixhital të Kufizimeve - Digital Restrictions Management (DRM). Beteja kundër DRM-s ka fituar forcë javët e fundit. Aktivistë të Lirisë janë bërë kundër DRM-së në HTML5, duke e vënë theksin te efektet e dëmshme mbi risitë dhe lirinë e përdoruesve të kësaj teknologjie. Ditën e sotme Kundër DRM-së, organizmi ynë simotër, Free Software Foundation, do t’i paraqesë në Boston Konsorciumit World Wide Web (W3C)paraqesë nënshkrimet e peticionit që i kundërvihet DRM-së brenda HTML5-s.
Sot, më 3 maj 2013, është dita ndërkombëtare kundër Administrimit Dixhital të Kufizimeve (DRM). Zakonisht termi DRM i referohet kufizimeve të ndryshme që kompanitë – ose cilido furnizues lënde – imponon në media dhe të dhëna dixhitale. Këto kufizime janë aty për t’u lejuar furnizuesve të vendosin çfarë mund të bëni me median dhe të dhënat tuaja dhe çfarë jo. Ky zë blogu hedh dritë mbi një çështje të afërt: humbja e kontrollit dixhital dhe fizik mbi pajisjen tuaj.
Më 27 prill, gjykata administrative e Almadas, Portugali, shpalli të paligjshme një kontratë prej 550 mijë eurosh mes Microsoft-it dhe bashkisë së Almadas. Kërkesat teknike të konkurrimit të shpallur nga bashkia ia bënin të pamundur cilësdo kompani tjetër veç Microsoft-it dhe partnerëve të tyre parashtrimin e një propozimi.
Bashkohuni me thirrjen tonë ndaj World Wide Web Consortium (W3C) dhe organizmave anëtare të tij për të kundërshtuar propozimin për Zgjerime Mediash të Fshehtëzuara (EME). Ky propozim synon trupëzimin e mbulimit të Administrimit Dixhital të Kufizimeve (DRM) brenda HTML-së dhe do të përjashtonte kështu shfletuesit Software i Lirë nga të qenët të përputhshëm me mjaft faqe web.
Një grup veprimtarësh të Software-it të Lirë nga Rumania dhe Moldavia janë bërë e programit të FSFE-së për organizma shok. Aktive që prej 2008-s, Ceata u legalizua si fondacion në shkurt të 2013-s. Fundația Ceata dhe FSFE-ja do të punojnë tok për të nxitur dhe përhapur lirinë e software-it në Rumani dhe kudo në Europë.
Parlamenti gjerman ka paraqitur një mocion të përbashkët kundër patentave mbi software-in. Rezoluta i kërkon qeverisë gjermane të ndërmarrë hapa për kufizimin e akordimit të patentave mbi programe kompjuteri.
Më 8 Prill, Microsoft-i do të ndërpresë shërbimin e vet Windows Messenger. Krejt përdoruesit e deriatëhershëm do të kalohen nën Skype. Free Software Foundation Europe i këshillon përdoruesit e mëparshëm të Windows Messenger-it ta shfrytëzojnë këtë mundësi për të përqafuar Standarde të Hapura, të tillë si Jabber (XMPP), në vend se të hidhen te Skype-i.
Gazeta gjermane taz.die tageszeitung (TAZ) merr çmimin e Ditës së Lirisë së Dokumenteve për këtë vit. Me këtë çmim, Free Software Foundation Europe (FSFE) dhe Foundation for a Free Information Infrastructure (FFII) nderojnë organizma që kanë arritur përdorim shembullor të Standardeve të Hapur.
Në 30 vende anembanë botës, veprimtarët po festojnë Standardet e Hapura gjatë Ditës së sotme të Lirisë së Dokumenteve, një fushatë e përvitshme kushtuar nxitjes së Standardeve të Hapura. Më tepër se 50 grupe po organizojnë veprimtari anembanë botës, nga Brukseli në Nikaragua dhe Nepal.
…Heiki "Repentinus" Ojasild! Koha e zgjedhjeve për postin e drejtuesit të AP-së të Anëtarëve Shok për këtë vit përfundoi më 15 mars dhe qe interesante deri në fund. Albert Dengg që qe gjithashtu kandidat për PN-në e Anëtarëve Shok premtoi se do të jetë afër dhe do të vazhdojë punën e tij të madhe për FSFE-në në këtë fushë.
Sot hapet regjistrimi i veprimtarive për Ditën e Lirisë së Dokumenteve, 27 mars 2013. Ekipet vendore mund të vendosin hollësitë mbi veprimtaritë te DocumentFreedom.org, dhe t’i vendosin te harta globale e fushatës.
Çdo vit, më 14 Shkurt njerëzit kremtojnë ditën dashurinë, marrëdhëniet intime me të tjerët... dhe për të tretin vit radhazi, mrekullitë e Software-it të Lirë. Anembanë botës njerëzit shprehin dashurinë e tyre gjatë ditës "E dua software-in e lirë" . Do të donim t’ju falënderonim për pjesëmarrjen, dhe të ndanim me ju disa thënie të bukura, postime blogjesh dhe mikroblogjesh të shkruara nga frymëzimi prej përkushtimit tonë ndaj Software-it të Lirë. Kur programuesit të lexojnë deklarimet tuaja, pa mëdyshje do të gjejnë energji shtesë për të vazhduar veprën e tyre.
Për 14 shkurtin, Free Software Foundation Europe u kërkon krejt përdoruesve të Software-it të Lirë të shpalosin vlerësimin e tyre për Software-in e Lirë. FSFE-ja sugjeron që ta shfrytëzoni këtë ditë si një mundësi për t’i thënë "faleminderit" njërit prej personave të palodhur të bashkësisë së Software-it të Lirë.